Milhares saíram às ruas de Vigo em defesa do sistema público de saúde

Esta quinta-feira registou-se umha grande manifestaçom na maior cidade galega, Vigo, em defesa da saúde pública e contra as privatizaçons.

A convocatória da Plataforma Galega SOS Saúde Pública denunciou também os cortes de recursos públicos e privatizaçons no Hospital Álvaro Cunqueiro, assim como o desmantelamento do Hospital Meixoeiro, na mesma cidade do sul da Galiza.

A parceria público-privada, com graves deficiências de gestom, com destaque para o atendimento primário, assim como o futuro incerto do Meixoeiro, centrárom as reivindicaçons da multitudinária mobilizaçom polo centro de Vigo, convocada pola Junta de Pessoal da área sanitária de Vigo e pola Plataforma SOS Saúde Pública.

A clausura de centros de atendimento primário, a deterioraçom da assistência, a reduçom de camas (de 1450 para 845 no Álvaro Cunqueiro) e outros problemas crescentes ameaçam o futuro do sistema de saúde na principal área sanitária da Galiza, representando umha situaçom de degradaçom e privatizaçom que se repete um pouco por todo o País.

(Com o Diário Liberdade)