Na Galícia

                                                                 

Farmacêuticos/as inspetores/as advertem sobre

possíveis riscos para a saúde nas praias poluídas

Denuncian que seguen a utilizarse a maioría delas porque non teñen os preceptivos carteis que prohiban o baño.

Do informe da UE sobre a calidade das augas das zonas de baño, publicado o pasado 25 de maio, tírase que en Galiza hai un total de 32 praias contaminadas consideradas “non aptas para o baño”. As/os farmacéuticas/os inspectoras/es, en folga indefinida desde o pasado 18 de maio, advirten que porén, seguen a ser usadas por bañistas e alertan dos riscos para a súa saúde.

As/os inspectores faramacéuticos explican que segundo a normativa actual, as praias nas que se detecte unha calidade de auga insuficiente durante 5 anos, son excluídas automaticamente do censo oficial de zonas de baño. Isto implica a prohibición permanente do baño, e a obriga das autoridades sanitarias de informar ás/aos bañistas desta prohibición, mediante os correspondentes carteis informativos. Igualmente, no caso de verteduras, contaminacións de curta duración ou situacións anómalas, as autoridades sanitarias teñen a obriga de informar á poboación.

Por iso advirten do risco que supón o baño nestas praias contaminadas, que seguen a ser frecuentadas polos bañistas con total normalidade. Ademais, afirman que a maioría destas praias “non contan cos preceptivos carteis que indiquen a prohibición do baño, polo que os usuarios descoñecen os graves riscos aos que están expostos”.

Os Farmacéuticos Inspectores, en folga indefinida dende o 18 de maio, para reivindicar melloras na xestión da sanidade ambiental, critican a “pasividade” da Xunta de Galicia na xestión e mellora destas zonas de baño, e desaconsellan o baño en todo caso.

Así, o pasado día 1 de xuño, no acto de entrega das bandeiras azuis, que tivo lugar na praia de Bastiagueiros do concello de Oleiros, as/os inspectoras/es protagonizaron unha entrega simbólica de “bandeiras negras” para as praias con calidade insuficiente, e que, por non estar correctamente sinalizadas, seguen a ser utilizadas habitualmente polos bañistas. As praias consideradas merecedoras destas “bandeiras negras” foron as seguintes:

PROVINCIA DE A CORUÑA

CONCELLO NOME DA PRAIA

Arteixo Ría de Barrañán

Bergondo Regueiro

Boiro Peralto

Camariñas Camelle

Camariñas Area da Vila

Cee A Concha

Fene Barallobre

Ferrol A Cabana

Ferrol Caranza

Fisterra Sardiñeiro

Oleiros Santa Cruz Porto

Pontedeume Centroña

Pontedeume Ver

Sada Delicias

PROVINCIA DE LUGO

CONCELLO NOME DA PRAIA

Burela Penaoural

Cospeito Porto

Fonsagrada Naraxa

Monforte de Lemos Río Cabe

Pobra do Brollón Río Saa

Pontenova Río Eo

Quiroga Conceado

Quiroga Soldón

Ribas de Sil San Clodio

PROVINCIA DE OURENSE

CONCELLO NOME DA PRAIA

A Bola Río Orille (Área Recreativa A Bola)

Allariz Acearrica

Os Blancos Río Eiroa

Lobios Os Baños Riocaldo

Ourense A Chavasqueira

Verín Pazos

Verín Vilela

Vilardevós Río Arzoá

PROVINCIA DE PONTEVEDRA

CONCELLO NOME DA PRAIA

Bueu Banda do Río

Bueu Agrelo

Mondariz O Val

Ponteareas As Partidas

Pontevedra Rio Lerez

Redondela Arealonga

Redondela Cabanas

Ribadumia Pontearnelas

Sanxenxo Nanín

Valga Vilarello

(Com o Diário Liberdade)