terça-feira, 26 de abril de 2016

Um novo Diário Liberdade para melhorar o ativismo informativo

                                                                  
Durante o último ano, o coletivo que sustenta esta ferramenta comunicativa tem compassado da melhor maneira possível o trabalho constante de elaboraçom, ediçom e publicaçom diária com a atualizaçom do portal para umha versom mais funcional e atraente.

Dadas as limitaçons económicas e de tempo por parte de um coletivo ativista como o nosso, também as tarefas técnicas tivérom atrasos importantes, que nos impossibilitárom apresentarmos essa atualizaçom pendente no prazo inicialmente marcado.

Finalmente, temos já um novo Diário Liberdade, reformado para melhorar tanto a experiência dos milhares de pessoas que cada dia nos visitam no mundo, como para facilitar o labor do coletivo editor, formado fundamentalmente por pessoas da Galiza, Portugal e Brasil.

Este novo DL está acessível desde já em https://gz.diarioliberdade.org e tem um novo visual, baseado no anterior, mas renovado inclusive a nível de logótipo e imagem gráfica. Porém, o mais importante é que contamos com umha ferramenta mais potente, capaz de incorporar mais informaçons de mais fontes, sem por isso mudar a orientaçom que sempre tivemos: criar e fortalecer umha corrente de informaçom contra-hegemónica, ao serviço das luitas dos nossos repetivos povos.

Durante o dia 25 de abril vam conviver o 'velho' e o novo Diário Liberdade. A partir de amanhá toda a atividade será transferida para o novo portal, mantendo-se no entanto os conteúdos do antigo plenamente disponíveis e localizáveis através do espaço de Hemeroteca com que novo site conta.

Nova distribuiçom

O novo Diário Liberdade responde melhor a dinâmica de visitas do portal. No espaço que abre o portal terás o Grande Destaque, a principal notícia no momento, seguida dos outros destaques, correspondentes a artigos destacados de ámbito galego, brasileiro, português ou internacional. 

Continuando a descer, poderás visitar os 'Outros destaques', notícias já passadas que merecem ser lembradas. As seçons nacionais estám agora bem divididas no final da página, com umha coluna para Galiza, outra para Portugal, mais umha para Brasil e a última para Mundo. 

Poderás ainda continuar a ler os artigos de opiniom, na coluna direita ou, quando merecedores de destaque, no espaço principal. Algumhas das seçons serám plenamente instaladas nos próximos dias, pois o trabalho técnico continua nelas. É o caso dos quadrinhos, por exemplo.

Lembra que podes continuar a colaborar com o portal através da Publicaçom Aberta, que ganha presença no novo site.

Um projeto popular

O Diário Liberdade continua a ser, como sempre, um projeto popular sem fins lucrativos, mantido polo ativismo coletivo e com vocaçom anticapitalista. Todos estes anos, desde 2010, só ratificárom a firmeza da nossa aposta inicial, também no que di respeito ao compromisso com a luita da Galiza pola independência.

Este é um bom momento para lembrarmos que a facilitaçom técnica das tarefas de ediçom e publicaçom visam incorporarmos mais pessoas colaboradoras, quer da Galiza, Portugal, Brasil ou outro país lusófono qualquer. As portas continuam abertas.

Bem-vindas, bem-vindos, ao novo Diário Liberdade.


Nenhum comentário :